Monday, August 19

TFF, KOCHA MPYA KUTUA STAAS

0


Shirikisho la soka nchini Tanzania (TFF) limethibitisha kuanza  mchakato wa kumpata kocha mpya wa timu ya Taifa ya Soka ya Tanzania (Taifa Stars) anayetarajiwa kujaza nafasi ya Salumu Mayanga ambaye mkataba wake na timu hiyo umemalizika. 
Katika mahojiano na kipindi cha Michezo kinachorushwa na Azam TV Kaimu Katibu Mkuu wa TFF Wilfred Kidao amesema wanalitilia maanani mchakato huo ili kuhakikisha wanaajiri kocha mwenye uzoevu na weledi wa hali ya juu ili kuinua kiwango cha timu hiyo.
“Tunataka tuajiri kocha wa national team kwa mchakato utakaokuwa huru, kwa hiyo anaweza kuwa Mayanga au mwingine au akatoka nje ya nchi, kuna makocha wengi wameshaleta CV, hili ni jambo kubwa linatakiwa umakini wa hali ya juu na ndiyo maana hatutaki kukurupuka,”
“Kuna vitu vingi tunaangalia sio ubora wa kocha pekee, je kuna uwezo wa kumlipa huyo kocha mwenye kiwango hicho!? na ubora wa kocha huyo ni vitu ambavyo vinafanyiwa kazi”, amesema Kidao.
Kidao amesema wanatarajia kuwasilisha majina ya makocha ambao tayari wameshaomba kibarua hicho na wale ambao bado wanafikiria kutuma kwenye kamati maalum itakayoundwa ili kukagua makocha hao kabla ya kuwasilisha majina kwa kamati ya utendaji ili kuanza mahojiano.
“Tunataka tuwe na kikosi kazi ambacho kitakuwa na wataalam waliobobea watusaidie kushortlist majina kwa ajili ya kupeleka kwenye kamati ya ufundi kwa mujibu wa katiba yetu, kamati ya ufundi ndiyo inapeleka mapendekezo kwenye kamati ya utendaji”, amesema Kidao.
Mafanikio
Kidao amemsifia Mayanga kwa kazi nzuri ambayo ameifanya kwa timu hiyo licha ya kushindwa kufuzu mashindano makubwa ikiwemo Mataifa Afrika mwaka 2017 na kombe la Dunia litakalokwenda kufanyika mwezi Juni nchini Urusi.
“Mayanga ni kati ya walimu ambao wamekuwa na matokeo ya kuridhisha alituingiza kwenye nusu fainali ya COSAFA, kwa kocha mzawa tunapaswa kumsifu kwa matokeo ambayo ameonesha na tuna imani kocha atakayekuja atafanya kazi naye”, ameongeza Kidao.
Mayanga yuko nchini Algeria na timu ya Taifa ambapo wanajiandaa kwa mchezo wa kimataifa wa kirafiki utakaofanyika Machi 22, 2018 nchini humo kabla ya kucheza mchezo mwingine dhidi ya DRC Congo mchezo ambao utafanyika Machi 27, 2018 jijini Dar es Salaam.



Read More

Share.

About Author

Comments are closed.