Thursday, August 22

FUNUNU: iPhone SE Ijayo Itakua Na Umbo La iPhone 8!

0


vodacom swahili

Iphone SE (special edition) ni simu kutoka Apple ambazo wanazitoaga kama toleo maalumu. Mara nyingi toleo hili linaonakana kama simu ndogo (ya nyuma) lakini inakua na vipengele au sifa ambazo ni sawa na simu ya toleo la  mbele.

Fununu ni kwamba Apple wana mpango wa kuiachia simu hii mwezi machi mwaka 2020. iPhone hii itakuwa na chip ya A13 ambayo kwa kiasi kikubwa itasaidia katika ufanisi na pia katika uwezo wa betri.

Toleo La Kwanza La iPhone SE

Toleo La Kwanza La iPhone SE

Fununu hizi kama ni za kweli basi kwa mtazamo wangu kutakuwa na tatizo kidogo, ikumbukwe kuwa iPone SE wengi wanazipenda kwa kuwa ni simu yenye umbo dogo, nyemamba na inakua na vipengele/sifa kubwa. Ukiangalia iPhone 8 ni simu kubwa sana na sidhani kama kutakua na tofauti kubwa sana kati ya iPhone 8 na iPhone 8 SE.

iPhone SE ambazo zilitoka mwanzo zilijipatia umaarufu mkubwa sana na wengi walizipenda na kingine kizuri ni kwamba zilikua zinauzwa kwa bei ndogo ukilinganisha na iPhone ambayo ilikua inafananishwa sifa na simu hiyo.

Kwa sasa hakuna taarifa nyingi kuhisiana na fununu hizi kwani hata ukiangalia kampuni bado haijatoa tamko rasmi juu ya jambo hili.

Ni vizuri kutembelea TeknoKona mara kwa mara ili uweze kupata uhakika zaidi wa jambo hili na pia utapata kujua simu hiyo itakuja na sifa gani kwa undani.

Tembelea TeknoKona Kila Siku Kwani Daima Tupo Nawe Katika Teknolojia!. 😆

Share.

About Author

Leave A Reply