Thursday, August 22

Rais mstaafu Botswana akitosa chama tawala

0


Serowe, Botswana. Rais mstaafu wa Botswana, Ian Khama amejiengua katika chama tawala kulichoongoza nchi hiyo tangu uhuru miaka 53 iliyopita, akieleza tofauti kubwa baina yake na Rais aliyerithi kiti chake.

Ni mara ya kwanza kwa Botswana kuona rais mstaafu anakitosa chama cha tawala cha Botswana Democratic Party (BDP).

Khama aliyeingia madarakani Aprili Mosi 2008 akimrithi Festus Mogae, aliwaeleza maelfu ya wafuasi wake katika mji wa nyumbani kwake wa Serowe jana Jumamosi, kwamba alifanya makosa katika kumteua Mokgweetsi Masisi kuwa rais.

Nimekuja hapa leo kuwaeleza kwamba ninaachana na BDP. Ninaitupa kadi yangu ya uanachama wa BDP,” alisema Khama huku akitupa kadi yake. “Siitambui BDP tena,” aliongeza.

Maelfu ya watu waliofurika katika mkutano huo, pia walirusha kadi zao za BDP.

Khama mwenye umri wa miaka 57, lisema hakuwa na chama chochote lakini ataunga mkono chama cha Umbrella for Democratic Change (UDC) kupambana na BDP.

Khama na mrithi wake wamekuwa wakilumbana waziwazi kutokana na Masisi kubadili sera zilizoanzishwa na mtangulizi wake, ikiwamo ya hivi karibuni ya kuondoa zuio la uwindani wa tembo.

Tangazo la kuondoa zuio hilo lilitolewa Machi mwaka huu ambapo Khama alimshutumu ‘kijana wake’ kwa usaliti.

Botswana ina ukomo wa vipindi viwili vya urais. Masisi alichukua madaraka baada ya Khama kujiuzulu Machi mwaka jana na atawania uchaguzi wake wa kwanza mwaka huu.

Share.

About Author

Leave A Reply